د روژې احکامد روژې احکامد روژې احکامد روژې احکامد روژې احکامد روژې احکامد روژې احکام
د روژې احکامد روژې احکامد روژې احکامد روژې احکامد روژې احکامد روژې احکامد روژې احکام
د هلک د ځوان کیدو وروسته کله چي د هغه لپاره دوستي ترسره کیږي نو غوره خبره دا ده چي لومړی خو خپله د هغه نظر وپوښتل سي، که هغه په خپله څه ونه وایي نو د هغه د ملګرو په ذریعه دي د هغه د زړه حال معلوم کړي، که د هغه د شوق معلومات وسي نو کورنۍ دي د هغه د شوق سره سم د هغه انجلۍ یا کورنۍ د دیندارۍ او حالاتو معلومات وکړي، همدارنګه دي معلومات وکړي چي ایا د دواړو تر منځ توافق قائمیدلای سي که یا؟! او که په دواړو کي توافق ولیدل سي نو خبري دي مخ ته بوځي. د طرفینو د رایي خلاف او یا د هغوی په نا خبرۍ کي نکاح مه ورکوئ، ممکنه ده چي د هغوی تر منځ بیلوالي رامنځته سي. البته که مور او پلار پوهیږي او خبر وي چي فلانی ښه ځای دئ خو بیا یې هم اولاد نه قبلوي نو د هغوی د نکاح ګټي ورته وښایاست او هغه عقلاً دې ته تیار کړئ چي نکاح ورسره وکړي.
که موږ او تاسي غواړو چي د دنیا او آخرت کامیابي ترلاسه کړو، بايد لاندي خبري په نظر کي ونیسو او عمل پرې وکړو. ۱- مور او پلار سره بايد په ډېر ادب وغږیږو، نرمي خبري ورسره وکړو، د دوی په مخ کي باید متواضع او عاجزه اوسو، پر دوی رحم وکړو، بې ادبي خبری باید ورته ونه کړو، په مهربانۍ او نرمه ژبه باید ورسره چلند غوره کړو، له مور او پلار نه باید مخ وا نه ړوو، په تروش تندي او تونده ژبه باید ورسره خبري و نه کړو. الله جل جلاله فرمايي: ” وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا.(الاسراء:۲۳). ژباړه: الله جل جلاله خپل عبادت ته له رابللو وروسته، پيوسته امر کړی، چي تاسو له مور او پلار سره نیکي کوئ . امام فخر الدین الرازي رحمه الله تعالی په تفسیر کبیر کي د دې ایت لاندې لیکلي: في الاية مسائل: المسألة الاولی: اعلم انه تعالی أمر بعبادة نفسه، ثم اتبعه بالامر ببر الوالدین وبیان المناسبة بین الأمرین بعبادة الله تعالی، وبین الأمر ببر الوالدین من وجوه: الوجه الأول : ان السبب الحقیقي لوجود الانسان هو تخلیق الله تعالی وایجاده، والسبب الظاهري هو الابوان فأمر بتعظیم السبب الحقیقي، ثم اتبعه بالأمر بتعظیم السبب الظاهري.
اسماعيل علیه السلام دابراهيم علیه السلام زوى وو ، مور يې هاجره وه . اسماعيل علیه السلام دابراهيم علیه السلام لومړى زوى وو چي الله جل جلاله يې په خوب کي دذبحي امر ورته وکړ، لکه مخکي چي يې قصه تېره سوه چى دى درسول الله صلی الله علیه وسلم نېکه دئ اورسول الله صلی الله علیه وسلم دده دنسل او لمسيانو څخه دئ. عليهم من الله جميعا افضل الصلاة والسلام. داسماعيل علیه السلام رسالت غوره او پياوړى نظر دادئ چي اسماعيل علیه السلام الله جل جلاله دعربو قوم ته په پيغمبرۍ لېږلى وو ځکه ده په عربو کي ژوند کاوه خو ځيني مؤرخين بيا په دې آند دي چي دى الله جل جلاله ديمن لوري ته چي عمالقووژوند پکښي کاوه ـــ په پيغمبرۍ لېږلى وومګر لکه مخکي چي تېر سوه ده مبارک دهغه ډبري وڅنګ ته ژوند تېر کړى دئ چي دبيت العتيق په بغل کي پرته وه ، په عربو کي يې دجرهم قبېلې څخه ديوې ښځي سره نکاح کړې وه . داسماعيل علیه السلام دتاريخ څخه داسي څرګنديږي چي دى الله جل جلاله عربو ته په پيغمبرۍ سره لېږلى دئ.ځکه ده خپله په عربو کي پرورښت کړى دئ او هم هلته يې ژوند کړى دئ.
ذوالنورین د چا لقب ؟ او دا لقب په څه وجه ورکول سوي وو؟ ذوالنورین د حضرت عثمان رضي الله عنه لقب وو اودا لقب په دې سبب سره نوموړي ته ورکول سوي وو چې درسول صلي الله علیه وسلم دوې لويي پرلپسې حضرت عثمان رضي الله عنه ته په نکاح ورکول سوې وې.
حضرت مفتی اعظم رحمه الله تعالی) دهند د دیوبند په ښارکي، په ۱۳۱۴ ه کال، دشعبان پر شلم تاریخ دې فاني دنيا ته سترګي روڼي کړي دي. په دې چاپیریال کي هري خواته د علم اوعرفان، زهد او تقوی هغه بي مثاله غرونه وه چي د رګ رګ د علومو او معارفو بي شميره چيني اسلامي نړۍ خړوبوله په دي روح خوشحالوونکي چاپیریال کي چي، حضرت مفتي اعظم (رحمه الله تعالی) دکومو استادانو څخه استفاده کړي ده هغوی د متقدمینو محدثینو، فقهاؤ او اولیاء الله وو ژوندي مثالونه وو. دحضرت مفتی اعظم رحمة الله علیه پر مختصر تعارف فقيه الملت، مفسر القرآن، جامع الشريعة والطريقة مفتي اعظم حضرت مولانامفتی محمد شفیع رحمةالله علیه د علم او عرفان مجمع البحرین، هغه جامع څښتن وو چي ددین په هره څانګه کي يي داسلامي خدمتونه، دلمرپه شان ځلیږي تدريس او افتاء، تصنیف اوتالیف، تصوف اوسلوک او نفاذ شریعت غوندي جليل القدرخدمتونه کښي ټول عمر بوخت پاته شوي او په راتلونکي پیړیو کي به ده ددې بي مثاله خدمتونونه اسلامي امت متسفید او دتل لپاره به ددي ښه ثرات پاته وي. (انشاء الله)
شَرِکَةُ ته په پښتو کي شراکت وايي . شَرِکَةُ په لغت کي اختلاط او ګډېدلو ته وايي يعني يو مال د بل مال سره دا ډول ګډېدل چي بيا نه سره بېليږي ، په فقهي اصطلاح کي يې تعريف په لاندي ډول دى : د شراکت تعريف : په سر مايه او ګټه کي د شريک کېدلو تړون ته شراکت وايي . شراکت پر دوه ډوله دى: (١) شَرِکَةُ الاَملاکِ . (٢) شَرِکَةُ العُقُودِ . شَرِکَةُ الاملاَک شرکة املاک هغه شراکت ته وايي چي دوه يا څو تنه د يوه شي په مُشَاع ډول مالکان وګرځي ، مُشَاع دې ته وايي چي شريکان د شي په هر جزء کي د فيصدۍ له مخي شريکان وګرځي . دلته موږ شَرِکَةُ الاملاکِ د اَملاکي شراکت په نامه يادو . املاکي شراکت کله د شريکانو په خپل خوښه او اختيار را منځ ته کيږي او کله بيا د شريکانو بې اختياره را منځ ته کيږي . مثال : زيد ، بکر او خالد ته يو باغ د پلار څخه په ميراث کي ورسېږي ، تر هغه مهاله چي دوى خپل منځ کي باغ وېشلى نه وي باغ د دوى درو تر منځ په مُشَاع ډول شريک دى . دا د زيد ، بکر او خالد تر منځ املاکي شراکت دى خو دوى يو د بل سره بې اختياره پکښي شريکان سوي دي . که زيد ، بکر او خالد په ګډه باغ رانيسي هلته هم باغ د دوى درو تر منځ په مُشَاع ډول مشترک ګرځي خو دلته دا املاکي شراکت دوى تر منځ د دوى په خوښه او اختيار را منځ ته سوى دى .
سوال : زه یو برقي یم د برق لین کشي کله کله کوم، د برق د لین کشی تر څنګ د کور مالک په موږ باندي ځني نور لینونه هم کشوي لکه: د انټرنیټ، تلویزیون کیبل، او د تلیفون، اوس دغه پیسې زما له پاره څنګه دي زه خو به په دې ګناه کي ورسره شریک نه یم او بل په دې سره به زه ګنهګاره هم نه یم؟ جواب : حامداً و مصلياً په اجوره دبرق، نیټ او دې ته ورته لین کشي کول جواز لري، که چابده استفاده ځني کول د هغه ګناه پرهغه چا راځي چي غلط استعمال ئې کوي. والله اعلم
د لوی اخترد مياشتي لومړنۍ لس ورځي له هغو مبارکوو رځو څخه دي چي الله پاک ددغو ورځو له کبله پرخپلو بندگانو احسان کړی دی او دوی ته يې داسي موقع برابره کړې چي که ترې لږعبادت هم په ډېره لوړه کچه قبلوي اوورته ډېر زيات ثوابونه ورکوي. نوله دې کبله بايد دغه ورځي غنيمت وبلل شي اوترې صحيح فائده واخيستل شي او بايد موقع له لاسه ونه باسو ځکه بيا معلومه نه ده چي بل کال به دغه مبارکي ورځي پرموږ راشي اوکنه؟ ددغو مبارکو ورځو ډېر فضيلتونه راغلي دي خوزه غواړم چي خبره لنډه خلاصه کړم، نو يوازي يو حديث ليکم چي له هغه څخه ددغو ورځو قېمت او ارزښت څرگندېږي: عن ابن عباس رضي الله عنهما قال: قال رسول الله صلى الله عليه وسلم: (ما من أيام العمل الصالح فيها أحب إلى الله من هذه الأيام ـ يعني أيام العشر ـ قالوا: يا رسول الله، ولا الجهاد في سبيل الله؟ قال: ولا الجهاد في سبيل الله، إلا رجل خرج بنفسه وماله ثم لم يرجع من ذلك بشيء)(رواه البخاري) له حضرت عبدالله بن عباس رضی الله عنهماڅخه روايت دی چي رسول الله صلی الله عليه وسلم وفرمايل: داسي ورځي نشته چي په هغو کي دي ښه کارونه الله ته تردغو ورځو زيات خوښ وي (يعني دذوالحجه د مياشتي لس اولنۍ ورځي) صحابه کرامو رضی الله عنهم وويل:اې دالله پيغمبره! (صلی الله عليه وسلم) دالله په لارکي جهاد کول (په نورو ورځو کي)هم ورته (ددغو ورځو تر عبادت) زيات خوښ نه دی؟ رسول الله صلی الله عليه وسلم وفرمايل: دالله په لارکي جهاد هم ددي ( ورځو دعبادت په څېر الله ته خوښ) نه دی ، پرته له هغه سړي څخه چي جهاد ته له خپل ځان او مال سره ووزي او يو هم بيرته را نه وړي ( يعني مال هم قربان کړي اودی هم شهيد شي)(بخاري شريف) داڅومره لوی فضيلت دی،چي په نورو وختونو کي جهاد هم ددغو شپو ورځو د عبادت سره برابرنه دی. نو بايد له دغو ورځو څخه ښه استفاده وکړو او په خوب او غفلت کي راباندي تېري نه شي.
د لمانځه شرطونهد لمانځه شرطونهد لمانځه شرطونه
د روژې احکامد روژې احکامد روژې احکامد روژې احکامد روژې احکامد روژې احکامد روژې احکام
دکلمې معنا دکلمې معنا دکلمې معنا دکلمې معنا دکلمې معنا دکلمې معنا
کلمه طیبه کلمه طیبه کلمه طیبه کلمه طیبه کلمه طیبهکلمه طیبه
د قران کریم پیژندنه د قران کریم پیژندنه د قران کریم پیژندنه د قران کریم پیژندنه
رسول الله صلی علیه وسلم د الله تعالی لخوا رحمت او خپل استازی نړۍ ته را استولی، هغه د ټول عامل لپاره رڼا ده، هغه ټول امت ته د علم، تقوا، معاملاتو، معاشرت، اخلاقو، عباداتو، جهاد، تبلیغ او هر ډول خزانې کیښودلې. د هغه په راتګ سره نړۍ ته رڼا راغله، لنډه داچې د انسان له پیدایښت څخه نیولې بیا تر مرګه پورې او د مرګ څخه تر بیا ژوندي کېدلو پورې او بیا ژوندي کېدلو څخه تر ابدي ژوند پورې داسې یو اړخ او شعبه نشته چې د هغې لارښوونه او یادونه رسول الله صلی الله علیه وسلم نه ده کړې؟؟؟ یو څه وخت وړاندې فرانسوۍ مجلې چارلي ابدو او یوشمېر لويدیځو رسنیو د اسلام د ستر پيغمبر حضرت محمدصلی الله عليه وسلم توهین آمیزه کاريکاتورونه نشر کړل، چې د ټولي اسلامي نړۍ غصه یې راوپاروله او ډیر مسلمانان پرې خوابدي شول. کفري نړۍ که له یوې خو د مسلمانانو پر خلاف په هر ډول جګړې بوخت دي خو دوی د میډیا له لارې هم داسې دښمنانه چلند ته ادامه ورکوي او ورځ تر بلې د هغوی دا ناروا مخونه او ناروا لیکنې زموږ مخته را درومي. د کفارو دا ډول چلند ثابته کړې، چې دوی په دا ډول ناروا کړنو د اسلام مخه نشي ډب کولی بلکه تاریخ ثابته کړې چې کله هم کفارو د اسلام پر خلاف ګنده او ناروا دریځ نیولی، خو په مقابل کې اسلام او مسلمانان لا نور هم پياوړي شوي.
